Mé:tom

Édé lu:jar arang lamté kídí:lo gejíg géjígné mé:tom doksiri:é,

Okolai géjíg géjíglok do:míg do:jígé;

Do:jíg pakugém kurrenla  ka:mílo ka:padak -- Ajjou ajjouné mé:tomlo ko:ri ri:la madgolo lé:sula du:né a:lo mirsi do:yíngém.

Lu:jar lamtélo  o:dak buluk ílama:nam do:yíngé dígínlok síkírné tangar kísapé ; 

Bulu sargo:la dudag lépo-dé:míglo lo:dísém -- A:kilo ké:nongém dumér kokki ríngabsula,Longé:lok ké:nongém to:yala.

Lu:jar lo:ttalo líné gené lamtélo Ajjou ajjouné ésarém alag laglen mílo, 

létíg sogabla kummílo ; Okaiko: bila manggom -- Édé ésar ommang kídí:ém torné agom kokki lumapéka ; Bulu kankinmang botta:né morumlok írné agomém.

Sék tadkinbiyén  buluk nasodlok nganamém,Síkírdo: síkorokla jínnamém; 

Séko lupo lu:sar biyén buluk lulamanam dosogém--Do:jíg-orné orpílamapé gíla gípílamané do:jígé sílosin pakug arangí:lo dupakkang.

Sílosin édé lu:jar lamtélo yalo bo:bíné ésar kísapé sa:rdak migom ésaré,

Émpigelasin togésuné kínné tanidé  lonka a:ralo rutumpé ila yokkangku.