history_edu
Poetry
Mé:tom
*Ginmur Po:lo*
Nil Nayan Mili
Barbi yí:yíngé
Yí:sa:dungkubo
Mo:di kurkuré
Kapsa:bidungku
Í:r pongkírpé
Ali-ginmur a:dungku.
Geyom geyompé
Mo:pí mo:rumso
Néyiyé-néngané ngansa:dungku
Í:r pongkírpé lí:líng goge:la
Ali-ginmur a:dungku.
Ali-ginmur a:yémíloi
Sé ka:yum kanganné
Dong amo:sé unjíg unjígé
Singgi gipuné punsa:bilangkul
Asin mé:po méngané.
Asin rongki rongki:la
Sí:sang a:pígé
ésar sarpé sardu:né
Ginmur po:lo rísondo
Ali a:yé lígangé.