history_edu
Poetry
Mé:tom
*YOGNÉ MITOM*
📌*NAYAN LÍGANG*
A:né biyyakkodém gíkongge:la pígopé giladla:tokumang
A:bangé bé:lupkang-
"Pékama kamdanga kolopi kolopi
Kamdanga lí:tunga kolopi kolopi"
Pésoko a:la simadnémpé jénggo:dung
Odok po:pé édémarpé pésokímanga:i
Lu:jarro gígo:duém bojéko taniém ríksutaga:i
Akoné akoném yirka:- luposudung
Ngok kéra:lo:sin bojerungko tanié gípaddung
Émpige:l ngom sé:kosin gokka:-luka:mang
Ngom géjetsula gíbadné tani:kídarém ngo kangkindag
Kébangko ba:yemílo murkong matala gínné
Ngok suttomna lunamém tallí:la toda todala du:né
Agom lutérro laksa: laksa:la yapa pinné
Lusar, lutadlo ngok mé:tomém pola políksunné
Odokkíddíné tanié ngom kapila kangkinkuma:n
Méngaksula du:do
Silo-mélo ngo murko: bidumsunamém mépagdungku
Mépakpé émna mémang bidumsula:tokumang
Édémpila ngom kébang kungke: tedgénamém nolu ka:pa:tokuma
Duryagla dura:né so:bo-menjegé
Minpéné a:m doné péttangé
Angké:do:pé napsi bígo:né ko:kangé
Ngok luríd-morídém tatka:tokuma
Ngo appíngém ka:beg-tadbegla dung
Jé:la jé:la ngok aminém minbisudung
Ngom sé:kosinéi ka:begmang
Ngok jé:namém sé:kosinéi tadbegmang
Ngo okolai yokpagdu:pé
Ngom mége:la sé:kosinéi ngom mabektokuma.