history_edu
Poetry
Mé:tom
ARÍG DO:JÍG
Rajiv Mili, 19/11/2025
Do:mírké ukumdo lí:yomné do:nyibí
Longédok mimangko rí:dung
Arainé ko:rido adí:dok tamténgém
Íkkubé-ígladla ka:dung…
Abungé kekondo gejigné sí:lu:do
Do:píné surkídla dung
Biréla-birkurla bédangké di:ba:bí
Réyíngo:n ésarko sarbidung…
Ansíngo:n rokomdo yokpadém gélíksul
Talombí aríkpé lendung
Ayangé konongém po:yublo payegla
Ki:né-Na:né mé kumdung…
Í:ngé ílíngé tapumé tapadé
Konongém medbomna métung
Díyyé dígínlok le:né angkiré
Siyangké sikuré kurdung…
Talomké ngasodém sermi:bí ka:lígla
Koyemo:l i:pangé lendung
Ígí:dok yokpadém lígémpé sadlenna
Ma:nyíngké mimakko modung…
Édémí: kangge:la ali:bí:l pagli: bí
Ngarné i:surko surdung