history_edu
Poetry
Mé:tom
LO:YID NOK ARÉKO BILA:YA:MÍLO
Mg. Dipen Doley
Lo:yid po:pítpé gíkang
Abbug do:mír yari:do
Ga:népé i:yyé bitkang
Mimag ríga:do.
Ngo bila:népé ila:ya:mílo
Lo:yid nok i:dog aréko
Ma:nyi:pé ma:bomnam
Mimag dog aréko.
Ngo gípí:la:ya:mílo
Nok dungko yalo do:pé
Mimag lékor korrod dém
Tatsu kíppai
Anu migmoki
Anu adísok
Anu tarungko
Ngo ru:yir suppai.
Ngok i: billamsé
Mirug rugnané
Ngok a:ng pítanamsé
Migang ga:nané
Ngok ajéng jé:namsé
Turgod légangé.
Sé:kai di:té ílí:pé
Daktum daggom
Muglíng yari:pé
Mírtum daggom
Torné asinsé ménggémang
Ngettetpé mé:dogom
Ngo ngettum sula:mang
Ngo sí:sangé
Mimag moténg lékorém
Korgé ru:yé.