history_edu
Poetry
Mé:tom
SO:YUMÉ LUBILANG
✍️ Hiteswar Kuli
Obonori Bogum
So:yumé lubilang
Ngo kama émbilang
Dí:tag kombong po:lolo
Roué yumdéng arilo
Tani: silung rui:lo
Tatpon gomuk toríki
Kabnamém-
Ngo tadlímang.
So:yumé libilang
Ngo kama émbilang
A:l gíla dungge:la
Amiké aríg aríglo
Sali-sakug, payeg mala
Gínamém-
Ngo kalímang.
So:yumé lubilang
Ngo kama émbilang
Longém kampon attar gége:la
Yumém yakan attarém
Gékapsunamém-
Ngo annímang.
So:yumé lubilang
Ngo kama émbilang
Do:nyitog émdodo do:nyimang
pédong otog émdodo omomang
Ésar sartog émdodo sarmomang
Édémbulum-
Ngo lulímang.