Do:de'ng ADÍ Debanondo pe:gu

Sang ka:bdém alagdo bomgabge:la mé:mi:la du:namdém kangge:la Migombí Ruadmé tauto,  ____"ataya kapila:n ? Okkom édémpé mé:mi:la du:n ? Sa:dé ansí:yé tí:po:to." Bagémpé yo, émge:la ma: okkosinma émna lulatsuto, odokké sa:dém tíngge:la sali agomko nappa:do sílíksuge:la Migomkodo:pé ngengka:la lukang, ____" ataya mé:mi: mé:mi:la mé:pénam agomko. Longko Pakkomké okumko ngo mobika. No:tu kindagéi, ngo amik okum morésulai omma:ngém poraito.Pakkombí ngom yadmo yadmola yatto.Ngokkédém lumangéibo, ngom ager gerdumsuné kídí:dém ngo kapé murkongém biyékun ?" Agomdém tadge:la Migombí  lusarla lukíto émna Ruadmé luto'.       Longé koném Pakkombí pu:nna okumko modopé  Ruadmé gokto.Pakkommé ager gerré do:yíngém kíposuto. Ruadbí ager gerdumsuné ajon annyiko gíbola gerkolo gíto. Anupé gera:dodo murkongém kabopé bila airu:pé aidopé agerém gerbito. Aso: aso:pé Ruatké ager gerjon annyi dé lékoném gerdído gípí:ma,lékoném gídíkuma:dapé gípagdakku. Ruadbí atípé lulaa:sin gérdído gertokuma.Pakkombí bulum ager gernan attarém la:lígbige:la, bulum gerlíng kampéi germoto. Pakkombí okosin émna luma:namdém an-ge:la Ruatké ajon annyidé gerpíng-gersodma:pé agerém gerbito.  Pakkombí okkosin émna luma. Bulu kapé geryéji geryépé émna ka:nam ka:la du:dag. Édém an-ge:la déryango:péi Ruatké gerjon annyidé gípíng-gísodma:p ager gerkolo gíkang Agerém gerkolo gímoge:la gernan attarém la:lígbima:pé Pakkombí:sin lé:la ager germa:pé attarém toya:la du:pa:dagai.Kabopé attar la:bi ma:la ager gernamésin kaboma.toya:la du:pa:dag.Murkongém bidído bima, tokumsula lé:rob-bomkang. Bibídma:pé léngkum sudodém murkong bipénam abako ikang.Pakkombí murkong bilenpénamdém asiné kikangku. Longéko Ruadbí Pakkomkolok murkongém kokolo gíto. Odo Pakkombí tatpo:pé lukang, _____"murkongé ngasoddung, lédugampé bipé."     Édémpé kotíla kotíla Ruadbí ngego:sukang.Bík ager gerjon annyidé bímsin méma. Bínyisin Ruatkolok kotíla dung. Ruatké ngasarsukko kama:la mé:pinsukang.       Agomdém tatdage:la Migombí luto', ___"atai no murkongé Pakkomkolok koyokubo. Nok ager gerré murkongé píngka:bo. Nok ajon annyidok gerdílo ager germa:namdém Pakkombí kangkumna lé:tag. Bík sapkampé nom murkong binamdé pí:dagbo. Nom lugu:ma:la biyéku émdaggom  kísaptagbo."    Édémpila ataya ajoném ka:la ajoném jonnang, adíém ka:la agerém gerlang.Asin mé:nam agomém lukurla lulang.kéíg kéíkpé mé:nam agomkídí:dé longékoném ajoném bérbopé badmodak. ReplyForward