Mising poem

Sémpé imílo kapé turyén ?

Ga:m Pe:gu

A:moukoném lelígdanto

Lepo:manggom aiya:pé !

Lí:pologdok sí:butsuge:la

Pungkí pungkíla dung.

Letsud-ledludé, séngon séngonna

Ísa:la:sin ípítsuma:bo

Déuoi ! édémarpéi lumbudbomdang

Asiné pokkub-poglabdag

Kapé ka:ríksuyéné !!

Kanam-kamang kumsu:dog,amo:udém

Ajonjonsu-jonsula aríg idod dopakto

Ru:la ru:la doiya:mílo

Po:lo pínyíg dobadyai

So:bo a:ldé gingékang, 

Ngasodé a:dagdom korasula: dokanmang

Kapiné asíkon sinyíngké asísé

Édílog alígém lígdungkun ?

Lépobog amongém migyabdo lumbutto

Eyég-péroglo:pé du:rasukko katoma.

Sémpiné ngasotso kapé ngarasuyéné

A:m ambín dungge:la:sin

Mola dokko katoma.

Ao ommangé kéno:la  akiyém jin-gapsudung

Ané-abukídíngé méngkolo tupko gudung.

Déuoi sémpé imílo kapé turyéné ?

Ma:nyíngémpéi itoka.